Robert Berisha ka hequr postimin që ka bërë ku ka treguar se ai dhe Nora i kanë dhënë fund martesës.
Dy ditë më parë Robert Berisha ka bërë një postim që po vazhdon të komentohet.
Ai ka postuar një fotografi të tij me Nora Istrefin, ndërsa ka shkruar një tekst të gjatë ku ka konfirmuar ndarjen me të dhe ka shpjeguar se ata vazhdojnë të jenë shokë të mirë dhe prindër të Renee-së.
Ndërsa tani në profilin e tij në Instagram nuk gjendet më ky postim, shkruan Gazeta Express.
Duket se Roberti ka vendosur që të mos merret më me komentet në këtë postim, e që nuk ishin të pakta.
Roberti në postim ka shkruar: “Portale të nderuara dhe ju fansa! Ju kam premtuar që keni për ta marr vesh prej meje e skeni nevojë të lodheni e me kliku në çdo titull që e bëjnë portalet. Eshte punë e tyre dhe mjeshtri e gazetareve qe dinë me nxjerr ashtu titujsh..Unë edhe Nora nuk jemi më bashke, por gjithë jetën do jemi babi dhe mami i Renees, loqkës tonë..dhe shokë të mire deri ne vdekje. Nëse nuk ka më dashni mes një çifti, nuk dmth të bëhesh armik e t’ja kthesh shpinën. Bëhuni pozitiv e qeshni sa më shumë edhe respektojeni edhe atë qe s’ju do të mirën se sen sbohet. Përmes këtij postimit @noraistref e falenderoj shumë që ma ka pru në jetë një fëmijë si Renee…edhe shumë kujtime të bukura prej 2006..Noriq -Tkom borxh tan jetën. I wish you all the best”.
