Ish-kryeministri i Shqipërisë, Sali Berisha, sërish ka hedhur akuza rreth projektit të portit të Durrësit duke thënë se i njëjtë është afera korruptive më e madhe në Evropë. Përmes një deklarate nga selia e Partisë Demokratike, ai tha se njeriu që ka marrë përsipër këtë investim, parashikonte një investim prej 4 miliardë eurosh në Serbi ka përfunduar me një investim prej 20 milionë eurosh ndërsa prapa tij, sipas Berishës, qëndron Aleksandër Vuçiq.
Berisha u shpreh se Rama po e shndërron portin e Durrësit në Dubain e familjes së tij.
Berisha: Rama po e shndërron portin e Durrësit në Dubain e familjes së tij
“Edi Rama, pa asnjë konsultë paraprake, me qytetarët e Durrësit, me grupe interesi dhe asnjeri tjetër përveç xhepit dhe llogarive të tij. Defakto po e shndërron portin e Durrësit në Dubain e familjes së tij. Afera e Portit të Durrësit gjer sot është afera korruptive më gjigante në Evropë”, deklaroi Berisha.
Berisha duke e quajtur vendimin për projektin e Burrësit si korruptiv e antiligjor, shtoi se Rama dhe kompania e tij përvetësojnë mbi 1 milion metër katror truall për ndërtime, baras kjo, sipas Berishës, me rreth 3 miliardë euro.
Ai u shpreh se i njëjti investues pati parashikuar një investim 4 miliardë euro në Serbi por ka përfudnuar me vetëm 20 milionë euro investim, ndërsa tha se prapa tij, atje ka qenë Aleksandër Vuçiq.
Berisha: Prapa investimit në Serbi ishte Vuçiqi
“Në këtë aferë, me pasoja të rënda strategjike për vendin, me pasoja të rënda që synojnë defaktorozimin e Shqipërisë dhe rolit të saj strategjik në transportin e BE dhe NATO, Edi Rama parashikon me makinerinë e mashtrimit të tij, investime prej 2 miliardë eurosh në marinën turistike. Njeriu që ka marrë përsipër këtë investim, parashikonte një investim prej 4 miliardë eurosh në Serbi, dhe përfundoi me një investim prej 20 milionë eurosh. Atje prapa tij qëndron Aleksandër Vuçiq, këtu qëndron Edi Rama”, vijoi Berisha.
Berisha u shpreh se dëmi nga ky projekt i Durrësit është i pallogaritshëm sepse me këtë lëvizje, taksapaguesit shqiptarë gjobiten me së paku 1 miliard euro që do të përdoren për ndërtimin e portit të ri në Porto Romano.
Ai ka kërkuar nga Bashkimi Evropian që të hetojë këtë projekt ndërsa Edi Ramës që të heqë dorë nga i njëjti.
Berisha: BE të ndalojë projektin e portit të Durrësit
“I kërkoj Edi Ramës që të heqë dorë nga përpjekjet për ndërtimin e Dubait të familjes së tij në Durrës. E garantoj që ajo nuk do mund të ndodhë dhe i kërkoj Al Alabarit të heqë dorë dhe të mos përdoret nga kryeministri më i korruptuar në të gjithë kohërat në Shqipëri. I bëj thirrje BE-së për të ndaluar këtë aferë korruptive dhe të nisë një hetim rreth aferës korruptive të portit të Durrësit dhe të bëjë gjithçka që ky port të mbetet, port strategjik kryesor i Shqipërisë, i rajonit dhe BE-së në rajon”, përfundoi Berisha.
/TV Malisheva
