Në shumë vende të botës, ka një rritje alarmante me rastet e coronavirusit dhe ekspertët thonë se një faktor kryesor për këtë valë të fundit është varianti Delta
Varianti po përhapet rreth 55% më shpejt sesa lloji alfa, i cili u identifikua për herë të parë në Mbretërinë e Bashkuar në fund të vitit të kaluar, sipas Organizatës Botërore të Shëndetësisë (OBSH).
Ekspertët thonë se “ky version përhapet rreth 50% më shpejt se versioni që filloi të infektojë në fillim njerëzit, në fund të vitit 2019”.
“Ne duhet ta mendojnë variantin Delta si një version Covid-i me steroide”, tha për CNN, Andy Slavitt, ish-këshilltar i stafit mjekësor të Joe Biden, shkruan CNN./TV Malisheva
Si po përhapet virusi kaq shpejt?
Një studim sugjeron se varianti Delta mund të transmetohet më shpejt se variantet e mëparshme sepse bën më shumë kopje të vetvetes brenda trupave tanë me një shpejtësi më të madhe.
Kur shkencëtarët në Kinë krahasuan dhjetëra raste të deltës me lloje të tjera që nga fillimi i pandemisë, ata zbuluan se pacientët me variant Delta kishin ngarkesa virale që ishin 1,260 herë më të larta.
Mjekët, ndërkohë, bëjnë thirrje që “njerëzit të vaksinohen sa më shpejt”, sepse “kjo është mënyra e vetme, më efektive për të dalë nga kjo pandemi”.
Çfarë duhet të dini tjetër për variantin?
▪ U identifikua për herë të parë në Indi.
▪ U bë shumë shpejt varianti dominant, duke mbingarkuar sistemin e kujdesit shëndetësor të vendit atje.
▪ Shumë shpejt u identifikua në Mbretërinë e Bashkuar.
“Ky është versioni më ngjitës i virusit që kemi parë gjatë gjithë pandemisë”, tha Ashish Jha, dekani i Shkollës së Shëndetit Publik të universitetit Broën.
▪ Tani, është përhapur në gjithë SHBA-në dhe përbën 83% të rasteve atje.
