Punonte gjithë ditën në një fabrikë mishi, proshutave dhe bërxollave, për një shifër rreth 500 euro.
Një rrogë dinjitoze në Kili, ku minimumi i rrogës është 360 euro, por e pamjaftueshme për të përmbushur çdo dëshirë përtej mbijetesës. Çdo fund të muajit punëtori priste me ankth rrogën e tij, por fati i një punëtori kilen ndryshoi papritmas, kur në llogarinë tij pothuajse të boshatisur u depozituan jo, një dhe as dy, por 330 rroga mujore, rreth 27 vjet pune të lodhshme.
Drejtuesve të kompanisë ku punonte fillimisht i premtoi se do të rikthente paratë sa më shpejt, por në bankën vend të një transfertë preferoi të tërhiqte gjithçka, dërgoi një letër dorëheqje të shpejtë dhe më pas u zhduk. Policia po e kërkon kudo, por deri më tani nuk ka asnjë shenjë nga personi, që edhe mund të ketë kaluar kufirin duke humbur gjurmët në ndonjë plazh të qetë amerikano-latin./A2CNN
