Qeveria në detyrë është duke mbajtur mbledhje online momentalisht, shkruan TV Malisheva.
Në mesin e pikave të rendit të ditës, të cilin e ka siguruar Gazeta Sinjali, është edhe shqyrtimi i propozim-vendimit për emërimin e drejtorit të përgjithshëm të Akademisë së Kosovës për Siguri Publike.
Mësohet se kabinetit qeveritar i është propozuar që Arton Berisha, sekretar i Përgjithshëm në ish-Ministrinë e Administratës Publike, të transferohet në pozitën e drejtorit të kësaj akademie.
Ministrat kanë kohë vetëm katër orë që të votojnë për ose kundër këtij propozim-vendimi.
Pas kalimit të këtij afati, nëse nuk ka kundërshtim konsiderohet se propozim-vendimi është aprovuar dhe do të procedohet për nënshkrim të kryeministri, në pajtim me Rregulloren e Punës së Qeverisë. /TV Malisheva
