Për shkak të dietave me karbohidrate të ulëta, ato kanë marrë një reputacion të keq tek njerëzit. Por, Karbohidratet janë burimi kryesor i energjisë së trupit tuaj.
Sipas klinikës “Mayo Clinic”, afërsisht 45-65 për qind e kalorive të cilat i konsumoni në ditë, duhet të vijnë nga karbohidratet.
Kjo gjë vlen në veçanti nëse bëni ushtrime fizike..
Prandaj, konsumimi i karbohidrateve të duhura është shumë i rëndësishëm.
Shumë njerëz mbështeten në karbohidratet e thjeshta që i gjejmë tek ëmbëlsirat dhe ushqimet e përpunuara. Por në fakt, ju duhet të fokusoheni në ngrënien e karbohidrateve komplekse të cilët i gjeni tek drithërat, pemët, perimet dhe fasulet.
Drithërat e plota ju sigurojnë më shumë fuqi sesa drithërat e rafinuara, sepse organizmi juaj i tretë ato më ngadalë. Po ashtu ndihmojnë në furnizimin e trupit me më shumë energji, si dhe ju mbajnë të ngopur më gjatë. Drithërat gjithashtu i stabilizojnë nivelet e sheqerit në gjak
.Dhe në fund, këto kokrra cilësore i përmbajnë vitaminat dhe mineralet të cilat ju nevojiten për një funksion sa më të mirë të trupit. /TV Malisheva
