Legjenda e Brazilit, Roberto Carlos ka zbuluar se ai ishte “shumë afër” për t’u bashkuar me Chelsea në 2007, transferimi që dështoi në minutat e fundit.
Ish-mbrojtësi i majtë ishte një agjent i lirë në atë kohë, pasi ishte ndarë me Real Madridin pas 11 vitesh në ‘Santiago Bernabeu’.
“Unë kisha dy propozime, Fenerbahce dhe Chelsea”, tha Carlos për Goal.
“Chelsea nuk funksionoi kështu që unë firmosa për Fenerbahce”.
“Por, me Chelsean, isha shumë afër. U pranua fjalë për fjalë dhe unë thjesht duhej të shkoja atje dhe të nënshkruaja kontratën”.
“Ishte vetëm një javë para se të nënshkruaja për Fenerbahce dhe kisha qenë në Paris për t’u takuar me Roman Abramovich dhe (ish-shefin ekzekutiv) Peter Kenyon”.
”Fatkeqësisht, në momentet e fundit diçka nuk funksionoi vetëm para finalizimit, gjë që ndodh shumë në futboll. Pati një problem me avokatin”, zbuloi Carlos. / Tv Malisheva
