Këngëtarja e njohur shqiptare, Ronela Hajati ka vazhduar aktivitetet pas pjesëmarrjes në Eurovision.
Artistja tashmë ka nisur punën për projekte muzikore, ndërsa nuk ka lënë anash as postimet e ndryshme në rrjetet sociale.
Edhe së fundmi, Ronela ka ndarë me fansat e saj të shumtë në Instagram një imazh ku dukej në formë të mirë dhe tejet atraktive.
E veshur në një trupore të kuqe me prerje të tejdukshme tek pjesa e gjoksit dhe njërës këmbë, këngëtarja e hitit “Leje” pozoi nga shtrati, teksa flokët e gjata dhe të valëzuara i la të lira mbi supe.
“Mirëmëngjesi zemër”, ka shkruar Ronela në mbishkrimin e imazhit që u pasua me komente të shumta nga ana e ndjekësve.
Ndërkohë, kujtojmë që Ronela përfaqësoi Shqipërinë në edicionin e sivjetshëm të “Eurovision” me këngën “Sekret”.
Ndonëse nuk arriti të kaloi në finalen e festivalit, performance e saj u pëlqye dhe mori vëmendje të madhe, teksa shkaktoi edhe reagime të shumta./TV Malisheva
