Skena kaotike po shpalosen përgjatë kufijve të Rusisë ndërsa burra të moshës ushtarake përpiqen të largohen nga vendi mes një mobilizimi të pjesshëm.
Zëdhënësi i Kremlinit Dmitry Peskov ka deklaruar se autoritetet ruse nuk kanë marrë vendim për mbylljen e kufijve.
“Unë nuk di asgjë për këtë. Për momentin, nuk është marrë asnjë vendim për këtë,” ka thënë ai, raporton Sky News.
Raportet për mbylljen e kufirit vetëm sa kanë kontribuar më tej në trazirat.
Presidenti rus Vladimir Putin dha urdhër javën e kaluar që qindra mijëra rezervistë të ndihmojnë në luftën me Ukrainën.
Biletat për fluturime jashtë Rusisë tashmë janë shitur dhe imazhet satelitore kanë treguar sonte kolona të gjata makinash që presin të kalojnë kufirin, transmeton mediumi britanik.
