Rusia kursesi nuk po e pranon faktin se cdo ditë e më shumë nëpër opinion është duke u shfaqur mizoria e Putinit ndaj popullit të Ukrainës. Për këtë, autoritetet ruse po bllokojnë çdo informacion që nuk po iu shkon për shtati.
Autoriteti shtetëror rus i internetit, Roskomnadzor, i dërgoi një letër administratës së enciklopedisë në internet “Wikipedia” me një kërkesë për t’i hequr faqet me informacione për luftën në Ukrainë. Prokuroria e Përgjithshme nisi ndalimin e materialeve të Wikipedias në Rusi.
Ata besojnë se “Wikipedia” shpërndan “informacion të pasaktë” në lidhje me veprimet e trupave ruse në Ukrainë dhe “dezinformon qëllimisht përdoruesit me informacione të rreme”.
“Në artikujt e botuar në burim, promovohet një interpretim ekskluzivisht anti-rus i ngjarjeve. Wikipedia është bërë një linjë e re e sulmeve të vazhdueshme të informacionit ndaj rusëve”, tha Roskomnadzor.
Departamenti tregoi se kërkesat e tij ende nuk janë përmbushur. Nëse Ëikipedia nuk heq materialet, ajo përballet me një gjobë deri në katër milionë rubla.
Në Tëitter, “Ëikipedia ruse” sqaron se shërbimi dhe Prokuroria e Përgjithshme kishin ankesa për pesë artikuj: “Beteja për Kievin (2022)”, “Krimet e luftës gjatë pushtimit rus të Ukrainës”, “Granatimi i një spitali në Mariupol”. , “Shkatërrimi i teatrit të Mariupolit (2022)” dhe “Masakra në Bucha”. Më herët , Roskomnadzor kishte kërkuar tashmë që Ëikipedia të hiqte informacionin në lidhje me luftën në Ukrainë, në veçanti, artikullin “Pushtimi rus i Ukrainës (2022)”.
/TV Malisheva
