Komandanti rus, Rustam Minnekayev, u shpreh se Rusia tani synon të marrë në kontroll pjesën perëndimore të Ukrainës dhe të formojë një kalim në vijë tokësore për në Krime, shkruan ‘The Guardian‘.
Kjo deklaratë bie në kundërshtim me pretendimin e presidentit, Vladimir Putin, i cili ka thënë se Rusia nuk planifikon që të bëjë pushtim të përhershëm të qyteteve të Ukrainës.
Deklarata e bërë për mediat shtetërore ‘Interfax’ dhe ‘Tass’ është e para e një zyrtari të lartë që flet për qëllimet e ushtrisë ruse për të pushtuar territor.
Rusia ka aneksuar në vitin 2014 Krimenë, lëvizje që nuk është njohur nga komuniteti ndërkombëtar.
Zyrtarë të mbrojtjes ruse kanë deklaruar për BBC se “po shikojnë” komentet e bëra nga gjenerali që nëse konfirmohet do të jetë e para për planin potencial të Rusisë.
Ndërkohë, një zyrtar i BE i ka thënë ‘Reuters’ se Rusia pritet të intensifikoi sulmet në lindje të Ukrainës si dhe në bregun jugor duke shtuar se dy javët e ardhshme mund të jenë vendimtare.
Presidenti i Ukrainës, Volodymyr Zelensky sot më herët ka paralajmëruar se pushtimi rus në vendin e tij ‘vetëm sapo ka nisur’.
/TV Malisheva
