Ish-nënkryetari i Kuvendit të Maqedonisë së Veriut, Hisni Shaqiri, ka thënë se lidhja e Maqedonisë me Malishevën është shumë e madhe dhe se e tillë duhet të jetë gjithmonë nga të gjitha trojet shqiptare, shkruan TV Malisheva.
Ai ka thënë se nuk ka zgjidhje tjetër pos të qëndrojmë të bashkuar dhe të mos ndahemi në zona lokale.
“Malisheva është shumë domethënëse për Kumanovën, për këtë pjesë, por Malisheva është interesant ngase ka qenë shumë e lidhur dhe unë do të thoja se lidhjet me Malishevën dhe Kosovën duhet të jenë shumë të forta dhe bashkarisht Kosova dhe shqiptarët e Maqedonisë me Shqipërinë, nuk kemi zgjidhje tjetër, të mos ndahemi në zona lokale”, ka thënë Shaqiri.
Ai po ashtu ka thënë se tre dëshmorë të rënë në këtë luftë janë nga Malisheva. /TV Malisheva
