Trembëdhjetë gorilla nga kopshti zoologjik në Atlanta, në shtetin Xhorxhia të SHBA-së, janë infektuar me koronavirus, ka bërë të ditur kopshti zoologjik, raporton Guardian, sipas të cilit kafshët ishin infektuar nga një rojtar.
Ndër gorillat e sëmura është edhe Ozzie, një mashkull 60-vjeçar që konsiderohet veçanërisht i rrezikuar.
Në një deklaratë të postuar në faqen e tij në internet, kopshti zoologjik shpjegoi se rojtari i kopshtit, i cili ishte vaksinuar kundër COVID, është asimptomatik dhe mbante pajisje mbrojtëse personale kur ra në kontakt me kafshët.
Shkurtin e kaluar, tetë gorilla në kopshtin zoologjik të San Diego u infektuan me COVID-19, por u shëruan brenda disa javësh./TV Malisheva
