Zëdhënësi i Departamentit të Shtetit Ned Price deklaroi sot se Shtetet e Bashkuara po mbështesin një ekip shumëkombësh për të mbledhur dhe analizuar provat e mizorive në Ukrainë.
Ai në një konferencë për media tha se gjithashtu se bazuar në raportet që SHBA ka parë, mizoritë “nuk janë akt i një ushtari mashtrues”, por “pjesë e një fushate më të gjerë dhe shqetësuese”.
“Me kërkesë të Prokurorit të Përgjithshëm të Ukrainës, SHBA po mbështet një ekip shumëkombësh të prokurorëve ndërkombëtarë në rajon për të mbështetur drejtpërdrejt përpjekjet e Njësisë për Krimet e Luftës të Prokurorit të Përgjithshëm për të mbledhur, ruajtur dhe analizuar provat e mizorive me një pikëpamje drejt ndjekjes së përgjegjësisë penale”, tha Price.
“Ata që janë përgjegjës për mizoritë duhet të mbajnë përgjegjësi, ashtu si edhe ata që i urdhëruan ato. Ata nuk mund dhe nuk do të veprojnë pa u ndëshkuar,” shtoi Price.
Ai e ka quajtur të turpshëm mohimin e Moskës zyrtare mbi civilët e vrarë në Bucha.
“Në përputhje me historinë e tij të gjatë të akuzimit të të tjerëve për aktet e veta të urryera, Kremlini lëshoi një mohim të pabazë dhe të paturpshëm të asaj që ne të gjithë mund të shohim qartë në Bucha dhe në të gjithë qytetet e çliruara të oblastit të Kievit,” tha ai.
Ndryshe, sekretari amerikan i Shtetit Antony Blinken njoftoi më 23 mars se Qeveria amerikane kishte përcaktuar se anëtarët e forcave të armatosura ruse po kryejnë krime lufte në Ukrainë, transmeton CNN.
