Ministri i Punëve të Jashtme i Ukrainës, Dmitrij Kuleba, i uroi mirëseardhjen kolegut të tij nga Maqedonia e Veriut, Bujar Osmani, dhe theksoi se sikurse Ukraina, edhe Maqedonia e Veriut dhe vendet e tjera të Ballkanit Perëndimor e bëjnë Evropën më të fortë dhe më konkurruese në nivel global.
Kuleba shkroi në Twitter se gjatë vizitës së tij në Kiev, Osmani “pa pasojat e barbarizmit rus në Ukrainë”.
“Mirë se erdhe, miku im maqedonas, në Kiev për të parë pasojat e barbarizmit rus. Ne po punojmë ngushtë së bashku në rrugën tonë të përbashkët të integrimit evropian.
Ukraina, Maqedonia Veriore dhe vende të tjera të Ballkanit Perëndimor po e bëjnë Evropën më të fortë dhe më konkurruese globalisht,” ka thënë Kuleba.
/TV Malisheva
