128 persona kanë mbetur të vdekur në Nepal, si pasojë e një tërmeti me magnitudë 6.4 ballë.
Tërmeti goditi perëndimin e vendit pasi shumë njerëz ishin në gjumë në mbrëmjen e së premtes, shkruan Skynews
Qendra Kombëtare Sizmologjike e Nepalit tha se magnituda ishte 6.4, ndërsa Shërbimi Gjeologjik i SHBA (USGS) e vlerësoi atë në 5.6.
“Shtëpitë janë shembur. Njerëzit dolën me nxitim nga shtëpitë e tyre. Unë jam jashtë në turmën e banorëve të tmerruar. Ne po përpiqemi të gjejmë detaje të dëmeve,” tha një zyrtar i policisë.
Ekipet e shpëtimit punuan gjatë natës për të nxjerrë të plagosurit nga rrënojat. Megjithatë, rrëshqitjet e dheut në disa zona bllokuan rrugët.
Personeli mjekësor dhe furnizimet po transportoheshin me helikopter.
Dëshmitarët thanë se lëkundjet u ndjenë deri në Katmandu dhe Nju Delhi në Indi.
Tërmetet janë të zakonshme në Nepal – një tërmet me magnitudë 7.8 në vitin 2015 vrau rreth 9000 njerëz
/TV Malisheva
