Rreth 120 persona janë evakuuar pasi dhjetëra zjarrfikës po merren me zjarrin në një bllok banesash 17-katëshe në Londrën juglindore.
Një banesë në katin e 15-të të kullës në Sheshin e Shën Markut, Bromley është në flakë, si dhe një pjesë e çatisë, tha Brigada e Zjarrfikësve të Londrës (LFB).
Nuk raportohet për të lënduar dhe nuk dihen shkaqet e zjarrit. Pamjet e postuara në mediat sociale treguan flakë dhe tym të zi që dilte nga një pjesë e një çatie të pjerrët.
Komandanti i stacionit Colin Digby, në vendngjarje tha se ekipet po bëjnë përparim të qëndrueshëm.
“Ky do të jetë një incident i zgjatur dhe ne presim që ekuipazhet tona të jenë në vendngjarje për disa orë në vijim,” tha ai, raporton Sky News.
Rreth 100 zjarrfikës kanë qenë duke shuar flakët pasi shërbimet e urgjencës u thirrën pak para mesditës../TV Malisheva
