Federata Shqiptare e Futbollit, ka publikuar ditën e sotme biletat për ndeshjen me Andorrën, që do të luhet më 14 nëntor në “Elbasan Arena”, në orën 20:45.
Kështu, një biletë në tribunën VIP vlen 8000 lekë (rreth 65 euro), ndërkohë 5000 lekë (rreth 40 euro) vlen një vend në tribunat B3, A2 dhe A3. Ndërkohë, tribunat A1, A4, B2 dhe B4 kanë çmimin 4000 lekë (rreth 32 euro).
Bileta në tribunat B1 dhe B5 kushton 3000 lekë (rreth 24 euro), ndërsa në tribunën karshi, atë E, bileta kushton 2000 lekë (rreth 16 euro). 1500 lekë (rreth 12 euro) kushton bileta në tribunat F dhe D, ndërkohë 1000 lekë (rreth 8 euro) në ato G1, G3, C1 dhe C3.
Vetëm 500 lekë (rreth 4 euro) kushton një vend në tribunat G2 dhe C2. Biletat mund të blihen pranë dyqanit të FSHF, tek stadiumi “Selman Stërmasi” e “Elbasan Arena”, si dhe online.
