Ish-i burgosuri politik, Muharrem Blakaj, ka thënë se shqiptarët kanë ndërruar fenë , por për fat të mirë nuk kanë ndërruar traditën, shkruan TV Malisheva.
Ai ka thënë se çdo problem në atë kohë është zgjidhur përmes Kanunit, ndërsa feja është ndërruar ngaase nuk ka pasur shumë rëndësi te populli shqiptar.
“Shqiptarët kanë ndërruar fenë nga krishterja në musliman, por për befasi të mirë nuk e kanë ndërruar stilin e jetës, traditën, dasmën, mortin, dhe çdo gjë e ka zgjidhur përmes Kanunit, fenë e ka ndërruar pasi që nuk ka pasur rëndesi feja te populli shqiptar”, ka thënë Blakaj.
Ai gjithashtu ka thënë se ndryshe nga popujt tjerë, ne nuk e thejmë besën edhe për ndonjë çështje që na lë në situatë të pafavorshme.
“Ne e kemi besën, popujt tjerë nuk e kanë, ne shqiptarët edhe pse na bjen keq, kur e kemi dhënë besën nuk e kemi thyer atë”, ka shtuar Blakaj. /TV Malisheva
