Forumi Shqiptar dhe Bashkimi Demokratik i Shqiptarëve (DUA) formuan një grup të përbashkët parlamentar në Kuvendin e Malit të Zi, ndërsa kryetar i grupimit do të jetë Nik Gjeloshaj.
Kujtojmë se Mehmet Zenka (DUA) ishte në zgjedhjet e 11 qershorit në listën e partisë së Milo Gjukanoviqit, DPS. Anëtarë të Forumit Shqiptar në Parlamentin e Malit të Zi janë Nik Gjeloshaj dhe Nikollë Camaj.
“Kemi vendosur ta bëjmë këtë hap me synimin e bashkimit më të madh të shqiptarëve si dhe përfaqësimit të tyre autentik. Vetëm së bashku mund të punojmë në integrimin dhe përparimin e shqiptarëve, ku kjo do të jetë një pjesë kyçe e agjendës sonë të veprimit”, thuhet në njoftimin e Gjeloshajt dhe Zenkas.
Veprimtaria politike e grupit është, siç thonë ata, unike në çdo aspekt, duke mbrojtur dhe promovuar njëzëri të drejtat e popullit shqiptar, raporton rtcg.
“Në këtë mënyrë, tre deputetë unik shqiptarë do të përfaqësojnë popullin e tyre me dinjitet dhe do të punojnë me përkushtim për zhvillimin dhe përmirësimin e të gjitha komunave ku jetojnë shqiptarët. Nga grupimi ynë, gjuha shqipe do të dëgjohet dhe do të ketë jehonë në Parlamentin e Malit të Zi me krenari. Vazhdimi i integrimit të shqiptarëve, përmirësimi i standardit të tyre të jetesës dhe faktorizimi i plotë do të forcohet përmes grupit tonë”, deklaruan Geloshaj dhe Zenka.
Ata thonë gjithashtu se ky grup do të mbajë marrëdhënie të shkëlqyera si me vendet e rajonit ashtu edhe me vendet perëndimore, në radhë të parë me SHBA-në, si aleatin kryesor.
/TV Malisheva
