Sipas ministrit slloven të Mbrojtjes, Marjan Sharec, Sllovenia po e rrit numrin e ushtarëve në kuadër të operacionit të NATO-s në Kosovë, KFOR-it, raporton slovenskenovice.
Aktualisht në Kosovë janë rreth 90 anëtarë të Ushtrisë Sllovene dhe planifikojnë ta rrisin numrin e tyre në të paktën njëqind.
Nën udhëheqjen e mëparshme, Ministria e Mbrojtjes (MORS) vendosi të zvogëlojë numrin e ushtarëve në forcat e KFOR-it dhe me ardhjen e ministrit Sharec, ata vendosën ta rrisin numrin në të paktën 100, shpjegoi Mors për STA.
Kufiri i sipërm i pjesëtarëve të Forcave të Armatosura në Kosovë është përcaktuar me vendim të qeverisë dhe arrin deri në 370 ushtarë.
Sharec, duke iu përgjigjur pyetjes nëse Sllovenia, duke pasur parasysh përkeqësimin e fundit të situatës në Kosovë, planifikon të rrisë edhe më tej numrin e ushtarëve në KFOR, ai thjesht tha se drejtimi i qeverisë është të forcojë praninë, të cilën Sllovenia e ka.
/TV Malisheva
