Superliga e Kosovës i është rikthyer sot aksionit me tri ndeshje tejet interesante, ku fitoren e gjetën skuadrat si Drita dhe Dukagjini.
Drita zhvilloi ndeshje si vendase kundër skuadrës së Drenicës, ndaj të cilës shënoi fitore me rezultat të ngushtë 2:1, përcjellë TV Malisheva.
Po ashtu, fitore sot regjistroi edhe skuadra e Dukagjinit, e cila e mposhti me rezultat të thellë 4:1 skuadrën e Ferizajt. Në të njëjtën kohë, kjo ishte fitorja e parë e Dukagjinit në sezonin aktual të kampionatit vendor.
Ndërkaq, krahas këtyre dy ndeshjeve u zhvillua edhe përballja mes Llapit e Malishevës, ku nuk u përcaktua fituesi. Pas 90′ minutave lojë në stadiumin “Zahir Pajaziti”, rezultati qëndron i barabartë 1:1.
Me këto rezultate tani ka ndryshuar edhe tabela e Superligës së Kosovës, kurse më poshtë mund ta gjeni renditjen e re të skuadrave.
/TV Malisheva
