Shefi i deputetëve të Partisë Demokratike të Kosovës, Abelard Tahiri ka thënë se qeveria Kurti i ka braktisur qytetarët. Sipas tij, qeveria duhet të marrë hapa urgjent për të ulur pasigurinë sociale paralelisht me rritjen e të hyrave në ekonominë familjare.
Në seancën e Kuvendit, Tahiri ka thënë se qeveria duhet të angazhohet për të ulur numrin e të rinjëve që lëshojnë Kosovën duke rritur vendet e punës dhe të ardhurave mujore.
Tahiri: Dy vitet fundit kemi shifra tmerruese në largimit të qytetarëve nga Kosova
“Dy vitet e fundit kemi lexuar shifra tmerruese të largimit të qytetarëve tanë nga Kosova. Sipas Agjencisë së Statistikave të Kosovës, numri i qytetarëve të Kosovës gjatë vitit 2021 është vlerësuar që kanë lënë vendin tonë dhe kanë emigruar legalisht e ilegalisht nga vendi ynë është rreth 42 mijë e 728 qytetarë. Ndërsa në vitin 2022 sipas raportimeve që kemi parë nga mediat, vetëm më viza pune janë pajisur rreth 42 mijë qytetarë, pra ende nuk e dimë numrin e saktë te qytetarëve në total të vitit 2022 që kanë lënë Republikën e Kosovës”, ka thënë Tahiri.
Tahiri ka thënë se qeveria është duke krijuar një ambient për ikjen e qytetarëve nga vendi.
Tahiri: Kjo qeveri ka braktisur qytetarët
“Kjo qeveri ka braktisur qytetarët mirë ne nuk mund ta marrim si të mirëqenë dhe të pajtohemi me një gjë të tillë, dhe jemi këtu për t’ia kujtuar kryeministrit Kurti që në Kosovë ka edhe jetë, ka edhe angazhim tjetër përtej angazhimit të tij në dialog. Qytetarët që zgjohen në mëngjesin nuk e kanë dertin se a e takon kryeministri Kurti Vuçiqin a nuk e takon, e a bën marrëveshjen e nuk e bën, qytetarët e kanë hallin që t’i përmbushin obligimet e tyre ditore, javore, e mujore prej të ushqyerit deri të veshmbathja e shkollimi i fëmijëve të tyre, e që fatkeqësisht nuk po ja dalin”, ka thënë Tahiri.
/TV Malisheva
