Pas disa ditë luftimesh, ushtria ukrainase pretendon se forcat e saj kanë rimarrë sërish kontrollin në qytetin Makariv, i cili ndodhet shumë pranë Kievit.
Shtabi i Përgjithshëm i Forcave të Armatosura të Ukrainës në një shkrim në “facebook” ka shkruar se “Flamuri shtetëror i Ukrainës u ngrit mbi qytetin e Makariv. Ndërsa, armiku u tërhoq”.
Makariv kishte pësuar dëme të konsiderueshme nga sulmet ajrore ruse në vazhdim. Në fotografitë e publikuara në rrjetet sociale më 12 mars, shiheshin dëmet e mëdha të komplekseve, apartamenteve, shkollave e objekteve mjekësore.
/TV Malisheva
