Ministria ukrainase e Mbrojtjes ka thënë se anijet ruse po përgatisin sulme me raketa kundër objektivave ukrainase.
“Anijet e flotës së Detit të Zi të Federatës Ruse po kryejnë detyra në zonat e përcaktuara të zonave operacionale të Detit të Zi dhe Azov. Disa anije kanë hyrë në një zonë të mbyllur, ndoshta për të kryer sulme me raketa kundër objekteve në Ukrainë”, tha ministria.
Sipas këtij raporti, trupat ruse po përqendrohen në ruajtjen e pozicioneve të tyre dhe po përpiqen të rigrupohen në mënyrë që të rrisin aftësitë e tyre sulmuese.
Tutje, thuhet se Rusia po rigrupohet në mënyrë që të përparonte drejt kufijve administrativë të rajoneve Donetsk dhe Luhansk, të cilat kontrollohen pjesërisht nga separatistët e mbështetur nga Rusia.
/TV Malisheva
