Kur fillojmë fillimisht të marrim sport ose ndonjë aktivitet tjetër fizik, ose kur i kthehemi këtyre aktiviteteve pas një pushimi të gjatë, gjasat janë të mëdha që të marrim inflamacion të muskujve.
Zakonisht 24 orë pas stërvitjes ndiejmë inflamacion në mes të këmbëve dhe shkaktar i tij është rritja e punës së muskujve.
Lajmi i mirë është se kjo ndjenjë e pakëndshme mund të zbutet me disa trika, duke përfshirë konsumimin e disa ushqimeve që ulin shanset për inflamacion në muskujt e krahëve dhe këmbëve.
Spec i grimcuar
Kjo erëz është shumë e dobishme në rikuperimin pas aktiviteteve fizike. Konsiderohet si një nga analgjezikët më të mirë natyralë sepse mund të bllokojë ndjesinë e dhimbjes.
Ushqimet e pasura me vitaminë C
Për të përshpejtuar shërimin duhet ta ushqejmë organizmin me ushqime që përmbajnë vitamina dhe minerale, veçanërisht vitaminën C. Ndër ushqimet e shumta të pasura me vitaminë C, veçojmë agrumet, luleshtrydhet dhe brokolin.
Qumështi
Qumështi është ideal për rikthimin e energjisë, gjë që e bën atë një nga ushqimet më të mira për reduktimin e simptomave të inflamacionit të muskujve. Rekomandohet të pini një gotë qumësht 90 minuta pas përfundimit të stërvitjes.
Ushqimi me taurinë
Taurina është një aminoacid që kohët e fundit është përdorur gjerësisht për rikuperimin e muskujve. Gjendet te pula, ushqimet e detit, peshku, vezët dhe maja e birrës.
Kafe
Kafeja është e pasur me fenole dhe kafeinë, të cilat janë çelësi për të bllokuar efektet e adenozinës. Ky përbërës shkakton dhimbje dhe lëshohet në inflamacion të shkaktuar nga dëmtimi i muskujve. Kafeja do të reduktojë dhimbjen, por edhe do të parandalojë ngurtësimin.
