Nuk ka dyshim se blerja e një automjeti të përdorur është një proces shumë i kërkuar në të cilin mijëra euro mund të humbasin për shkak të një vendimi të keq.
Kilometrat e makinës janë të dhëna që mund të manipulohen, dhe arsyeja është, sigurisht, dëshira për të mbuluar kilometrazhin.
Gjegjësisht, një makinë me shumë kilometra, mund të jetë shumë e dëmtuar (jo në të gjitha rastet), dhe mundësitë që ajo të pësojë dëme më shpejtë janë të mëdha. Me një fjalë, duke blerë një makinë, që i hiqen kilometrat, blerësi paguan një çmim më të lartë sesa automjeti me të vërtetë ia vlen.
Kompania carVertical , e cila kontrollon historikun e automjetit bazuar në numrin e shasisë, kreu një sondazh për të përcaktuar se në cilat makina hiqen më shpesh kilometrat. Duke vepruar kështu, ata grumbulluan të dhëna nga baza e tyre e të dhënave të gjera.
Gjatë një periudhe 12-mujore, midis tetorit 2019 dhe tetorit 2020, stafi i carVertical mblodhi të dhëna nga tregje të ndryshme në botë, duke përfshirë Poloninë, Rumaninë, Hungarinë, Francën, Slloveninë, Sllovakinë, Republikën Çeke, Letoninë, Bullgarinë, Ukrainën, Serbinë, Gjermaninë, Kroacinë, Rusinë dhe Shtetet e Bashkuara.
BMW është subjekti më i popullarizuar i mashtrimit
Lista e marrë përmban përqindjet e makinave me kilometrazh bazuar në të gjitha modelet e vëzhguara.
Të dhënat e disponueshme zbulojnë se rastet e zvogëlimit të kilometrazhit janë më të zakonshmet në mesin e makinave nga prodhuesit gjermanë, veçanërisht nga segmenti premium.
Tregtarët e pandershëm të makinave të përdorura shpesh ndryshojnë kilometrazhin në automjete si BMW Seria 7 ose X5. Hulumtimet kanë treguar se pothuajse çdo i tretë BMW Seria 7, X5, dhe madje edhe 5 Seritë kanë kilometrazhin e ndryshuar.
Përveç BMW, është gjithashtu në listë edhe Audi (A5 / A6), Mercedes E-Class, dhe markat tjera të tilla si Skoda dhe Volkswagen.
Siç pritej, mashtrimet me kilometra janë shumë më të zakonshme në vendet e Evropës Qendrore dhe Lindore, ndërsa prania e tyre në vendet perëndimore është dukshëm më e ulët.
Pjesa më e madhe e makinave me kilometrazh është regjistruar në ato vende me importe të forta të automjeteve të përdorura nga Evropa Perëndimore.
Çdo makinë e dhjetë në Rumani ose Letoni ka një mundësi të lartë të manipulimit të numrit të kilometrave. /TV Malisheva
