Presidenti ukrainas, Volodomyr Zelensky ka përshëndetur valën e fundit të sanksioneve të vendosura ndaj Rusisë, duke i cilësuar gjithashtu si të pamjaftueshme.
Në fjalimin e tij të fundit, Zelensky i bën thirrje perëndimit të shkojë më tej dhe të bojkotojë përdorimin e naftës ruse.
Ai thotë se dështimi për të rënë dakord mbi një embargo po i kushton jetë njerëzve ukrainas.
Rusia është prodhuesi i tretë më i madh i naftës në botë, me më shumë se gjysmën e eksporteve të saj drejt Evropës.
Importet ruse përbëjnë 8% të kërkesës totale të naftës në Mbretërinë e Bashkuar dhe 3% në SHBA.
Zelensky thotë se Kremlini po fiton aq shumë nga eksportet e naftës sa nuk ndjen nevojën për t’i marrë seriozisht negociatat e paqes.
Ai shton se do të vazhdojë të këmbëngulë që bankat ruse duhet të shkëputen tërësisht nga sistemi financiar ndërkombëtar./TV Malisheva
