Malisheva është duke vazhduar me përforcimin e skuadrës në prag të fillimit të sezonit të ri.
Drejtuesit e Malishevës së fundmi kanë arritur marrëveshje me mesfushorin, Behar Maliqi, një ndër mesfushorët mbrojtës më të mirë në Superligën e Kosovës, raporton TV Malisheva.
Ai ka luajtur për shume ekipe të mëdha të futbollit të Kosovës e atij të Shqipërisë, si Prishtina, Llapin, Feronikelin KF Partizani etj.
Kujtojmë që Maliqi u largua para disa ditëve nga Feronikeli.
Njoftimi i plotë:
Mirë se vjen Behar Maliqi!!!
Behar Maliqi konsiderohet si njëri nga mesfushorët mbrojtës më të mirë në Superligë. Maliqi vlerësohet për aftësinë e tij për të rifituar topin në mesfushë dhe për të konvertuar shpejt posedimin. Leximi i tij i lojës është konsideruar i jashtëzakonshëm.
Transferimi i tij në FC Malisheva është një nga transferet e duhura duke pasë parasysh përvojën e tij dhe maturitetin që ai sjell në skuadrën tonë.
Karrierën si futbollist Maliqi e filloi me FC Prishtinën e më pas duke lënë kampionatin Kosovar ku u transferua te KF Partizani për sezonin 2013-2014. Pas një sezoni të mirë në Kampionatin shqiptar, Maliqi rikthehet në Superligë ku nënshkroi me Feronikelin,. Luajti për Llapin përsëri për Prishtinën dhe së fundmi ishte prapë pjesë e FC Feronikelit.
Një përvojë mbresëlënësë si në kampionatin kosovar e atë shqipëtar dhe kompeticione tjera:
BKT Superliga e Kosovës
Abissnet Superiore
Kupa e Kosovës
Kupa e Shqipërisë
Superkupa e Kosovës
Ne, në klub i urojmë mirëseardhje Maliqit dhe i urojmë suksese të mëtejme.
Para disa orëve klubi nënshkroi kontratë edhe me dy trajnerët Tershani dhe Kadriolli.
Ardhje të reja, Malisheva nënshkruan me trajnerët Tershani dhe Kadriolli
