Udhëheqësi i Koalicionit të Shqiptarëve për Luginën Shaip Kamberi, ka konfirmuar se e ka fituar edhe një mandat si deputet në Kuvendin e Serbisë.
Kamberi tha për Klankosova.tv se tani kur janë numëruar 90 për qind të votave koalicioni që ai udhëheq e ka siguruar një ulëse në këtë kuvend.
“Po unë jam zgjedhur deputet. Me 90 për qind të votave të numëruara e kemi një mandat”.
Sipas rezultateve të publikuara nga Komisioni Republikan i Zgjedhjeve të Serbi, Koalicioni i Shqiptarëve për Luginën ka arritur t’i marrë 9 mijë e 627 vota apo 0.27 për qind të tyre.
