Emisari i Bashkimit Evropian për dialogun Kosovë-Serbi, Mirosllav Lajçak ka thënë sot se liberalizimi i vizave duhet të ndodh për Kosovë. Diplomati sllovak është shprehur se do të përdorë që mundësi në takimet e tij për t’i bindur shtetet anëtare të BE-së se Kosova meriton largim të vizave.
Sipas tij, Kosova do të marrë liberalizim të vizave, po në pyetje është koha kur do të bëhet.
Lajçak: Vizat duhet t’i largohen Kosovës
“Unë mendoj si ju, vërtet besoj se vizat duhet të i largohen Kosovës. Komisioni Evropian ka qenë i qartë, fatkeqësisht akoma nuk ka pasur marrëveshje konsensuale mes shteteve anëtare për këtë. Unë përdorë çdo mundësi të mundshme me takimet e mija që Kosova meriton liberalizim të vizave duhet të marrë liberalizimin e vizave. Për mua pyetja është kur, dhe jo nëse do të bëhet”, tha ai.
Këto komente, Lajçak i bëri të enjten përmes një konference për medie, ku edhe përfundojë qëndrimin e tij tre ditor në Kosovë./Tv Malisheva
