Një regjistrim i një interviste me John Lennon dhe Yoko Ono, përfshirë një këngë të pabotuar të regjistruar gjatë vizitës së tyre në Danimarkë në 1970, u shit në një ankand në Kopenhagë sot për 58.300 dollarë.
Kaseta me këngën “Radio Peace” u regjistrua më 5 janar 1970 nga katër danezë të cilët po bënin një intervistë me çiftin për një revistë shkollore, shkruan Reuters.
Regjistrimi në kasetë zgjat 33 minuta, në të cilin Lennon flet për fushatën paqësore të çiftit, për zhgënjimin e tij me imazhin e Beatles dhe për gjatësinë e flokëve të tij.
Në regjistrim, John luan kitarë dhe këndon “Give Peace a Ćance” dhe “Radio Peace” ndërsa luan rreth pemës së Krishtlindjes me Yoko.
Çifti mbërriti në Danimarkën veriore në fund të dhjetorit 1969 dhe qëndruan në një fermë të izoluar për më shumë se një muaj.
Në një intervistë, adoleshentët pyetën Lennon dhe Ono se si mund t’i ndihmojë ata në kërkimin e tyre për paqen botërore, për të cilën Lennon tha se “nëse nuk mund të dalësh me një ide vetë, imito atë që ne bëjmë. Thjesht uluni dhe pyesni veten, çfarë mund të bëjmë në vend?” /TV Malisheva
