Një produkt i përdorur në solucionet e lëkurës për largimin e mushkonjave mund të vrasë koronavirusin që shkakton COVID-19, thuhet në një studim të ushtrisë britanike.
Studimi i shkencëtarëve të Laboratorit të Teknologjisë së Mbrojtjes sugjeron se larguesit e insekteve që përmbajnë Citriodiol mund të përdoren si dezinfektues kundër virusit.
Ushtarët që u spërkatën me këtë solucion rezultuan të mbrojtur edhe nga infektimi dhe studiuesit thanë se solucione të tilla mund të përdoren si mjet parandalues shtesë në kombinim me maskat e fytyrës dhe larjen e rregullt të duarve.
Laboratori britanik i mbrojtjes publikoi sot rezultatet e tij me qëllim që të tjera studime të kryhen mbi efektet e solucionit. Përbërësi kryesor Citriodiol vjen si vaji i pemës së eukaliptit citriodora, i marrë nga gjethet dhe degët e tij.
Kompania Citrefine International beson se produkti i tyre është efektiv dhe ndaj pandemisë dhe kërkon që qeveria të mbështesë programin e saj të testimit.
