Evolucioni i teknologjisë ka hapur disa rrugë për njerëzimin për të eksploruar dhe kthyer shumë gjëra nga të pamundurat në të mundshme. Tani pasi kaluan 10 vjet në zhvillimin e një teknologjie të mahnitshme për të kuruar sëmundjen e syve, studiuesit në Universitetin Monash po përgatiten të implantojnë një “sy bionik” në një subjekt njerëzor.
Studiuesit kanë ndërtuar pajisjen bionike – e quajtur sistemi i shikimit bionik Gennaris – që ata thonë se mund të rikthejë shikimin te të verbrit përmes një implanti të trurit. Ai përfshin një mbulesë koke të personalizuar të pajisur me një aparat fotografik dhe transmetues pa tel, një njësi të procesorit të vizionit, si dhe softuer dhe një sërë pllakash 9×9 milimetër të cilat futen në tru.
Kur studiuesit studiuan pajisjen duke e bashkangjitur atë në një dele, ata gjetën rezultate premtuese dhe nuk vunë re efekte anësore. Tani ata po përgatiten për ato që pretendojnë se do të jenë provat e para klinike njerëzore në botë të një syri bionik. Ekipi i shkencëtarëve që zhvilluan pajisjen tani po kërkojnë fonde shtesë për ta prodhuar përfundimisht në një shkallë globale.
Studiuesit në Australi janë vetëm një nga shumë që punojnë drejt lidhjes së trurit me një kompjuter, i cili na kujton çipin e trurit të miliarderit Elon Musk të quajtur Neuralink që ai demonstroi te derrat kohët e fundit gjatë një ngjarjeje.
Sistemi bionik i Universitetit Monash është implanti i parë në botë i trurit që synon të rikthejë shikimin dhe po përgatitet për provat njerëzore. Kjo pajisje pretendohet të jetë e aftë të anashkalojë nervat e dëmtuar optikë, të cilët bllokojnë sinjalet që dërgohen nga retina në ‘qendrën e shikimit’ të trurit.
Kamera e bashkangjitur në sistem kap skenën përreth të një përdoruesi dhe e dërgon atë te procesori i vizionit ku teknologjia nxjerr të dhëna nga transmetimi.
Ekipi i studiuesve kishte marrë 1 milion dollarë fonde në vitin 2019 dhe tani ata po mbledhin një raund tjetër që do të ndodhë më vonë në vitin 2020. Sipas studiuesve, ata shpresojnë se mund të evoluojë për të kuruar sëmundje të tjera përveç verbërisë.
